Фән һәм мәгариф 31 октябрь 2014 16:49

2015 елда Россиядә мәгариф өлкәсенә 3,3 триллион сум акча тотылачак

Мондый фаразны РФ мәгариф һәм фән министры Дмитрий Ливанов игълан итте

Скопировать ссылку

(Казан, 31 октябрь, «Татар-информ»). Россия Мәгариф һәм фән министры Дмитрий Ливанов белдергәнчә, Россиядә мәгариф өлкәсенә инвестицияләр, тулаем эчке продуктка (ВВП) караганда, тизрәк үсә.

"Быел муниципаль, федераль, төбәк дәрәҗәләрендәге белем бирү өлкәсенә чыгымнар беренче тапкыр 3 триллион сумнан артып китте. Ә киләсе елда 3 триллион 300 миллиард сум булыр дип фаразлыйбыз. Бу, һичшиксез, Хөкүмәтебез өчен дә, җәмгыять өчен дә белем бирү тармагының өстенлекле булуын күрсәтә", - дип Ливанов сүзләрен китерә "Российская газета".

Министр сүзләренчә, педагогларга хезмәт хакын арттыру, балалар бакчалары төзү һәм югары белем бирүне үстерү буенча барлык планнар да үтәлгән. Әмма "финанслауга бәйле проблемалар юк түгел, һәрвакыттагыча ,күбрәк булуны телисең бит", - дип йомгаклаган фикерен түрә.

Сәхифәләр

2015 елда Россиядә мәгариф өлкәсенә 3,3 триллион сум акча тотылачак