Архив 13 ноябрь 2014 16:32

2015 елда дөньяның иң яхшы 100 туристик юнәлешенә Казан кергән

Oktogo.ru рейтингы мәгълүматлары буенча, Казан - Яңа ел бәйрәмнәрендә бару өчен Россиянең иң популяр шәһәрләре бишлегендә

Скопировать ссылку

(Казан, 13 ноябрь, “Татар-информ”). Казан кунакханәләрдә хезмәт күрсәтү һәм бәяләр нисбәте буенча 2015 елда дөньяның иң яхшы 100 туристик юнәлеше рейтингында 44 нче баскычта тора - trivago.ru кунакханәләрне эзләү һәм бәяләрне чагыштыру системасы сәяхәтчеләр өчен иң популяр шәһәрләр исемлеген төзегән.

Татарстан башкаласы кунакханәләрендә яшәү өчен тәүлегенә 78 евро кирәк. Казан индексы рейтинг буенча 94,85%ны тәшкил иткән. Дөньяның иң яхшы туристик юнәлешләре рейтингына, Казаннан кала, Россиянең тагы ике шәһәре кергән. Калининград 96,4% лы индекс белән 8 нче урынны алган. Санкт-Петербург рейтингта 75 нче урында. Төньяк башкаласында яшәү тәүлегенә 93 еврога төшә.

Искәртеп үтәбез: Oktogo.ru рейтингы мәгълүматлары буенча, Казан Яңа ел бәйрәмнәрендә бару өчен Россиянең иң популяр шәһәрләренең бишлегенә керде, диелә Казан мэриясе матбугат хезмәте хәбәрендә.

Сәхифәләр

2015 елда дөньяның иң яхшы 100 туристик юнәлешенә Казан кергән