Икътисад 20 апрель 2010 17:37

2012-2015 елларда “Казан” аэропортына 6 млрд сумга якын федераль акча җәлеп ителәчәк

Аэродром инфраструктурасы объектларын реконструкцияләү кысаларында проектлау-эзләнү эшләренә быелга 100 млн. сум акча бүлеп бирелер дип көтелә

Скопировать ссылку

(Казан, 20 апрель, “Татар-информ”, Миләүшә Низаметдинова). 2012-2015 елларда “Казан” халыкара аэропортында очкычларның һавага күтәрелү-җиргә төшү тасмасындагы ясалма өслекне, өстәмә борылып китү юлларын һәм перронны реконструкцияләүне һәм яктылык белән сигнал бирү җиһазларын, су һәм электр белән тәэмин итү системаларын алыштыруны, чистарту корылмалары төзүне күздә тоткан проект документлары әзреләнәчәк.

Һәрхәлдә, бүген ТР Хөкүмәт йортында барган брифингта “Казан” халыкара аэропорты” ААҖ генераль директоры Алексей Старостин хәбәр иткәнчә, шушы эшләрне башкарып чыгар өчен җәмгысе 6 млрд сумга якын, төгәлрәге, 5 957,6 млн. сум күләмендә федераль бюджет акчасын сарыф итү ниятләнә.

Әлеге аэропортның аэродром инфраструктурасы объектларын реконструкцияләү кысаларында проектлау-эзләнү эшләренә федераль адреслы инвестицион программа нигезендә быелга 100 млн. сум акча бүлеп бирелер дип көтелә, бу мәсьәләдә Росавиация тарафыннан программага төзәтмәләр әзерләнгән.

Сәхифәләр

2012-2015 елларда “Казан” аэропортына 6 млрд сумга якын федераль акча җәлеп ителәчәк