Икътисад 13 гыйнвар 2010 16:21

2009 елда нефть компанияләре 32,5 млн.тонна нефть чыгарган

Бу 2008 ел белән чагыштырганда 100,75 процент тәшкил иткән

Скопировать ссылку

(Казан, 13 гыйнвар, «Татар-информ», Әнвәр Маликов). Татарстанда 2009 елның декабрендә нефть компанияләре тарафыннан 2757,138 мең тонна нефть чыгарылган, бу 2008 ел белән чагыштырганда 104,7 процент тәшкил иткән.
Гомумән республика нефтьчеләре бер елда 32508,09 мең тонна нефть тапкан, бу 2008 ел белән чагыштырганда 100,75 процент дигән сүз. Аның 25850,441 мең тоннасын “Татнефть” компаниясе чыгарган, бу 0,3 процентка артыграк һәм 1,8 процентка планнан тыш. Компания тарафыннан 25594,555 мең тонна нефть тапшырылган, планнан тыш - 852,775 мең тонна.
Кече нефть компанияләре тарафыннан 6657,649 мең тонна нефть табылган, бу 2008 ел белән чагыштырганда 2,4 процентка күбрәк. Республика буенча гомум табышның 20,5 проценты кече нефть компанияләренә туры килә.

Сәхифәләр

2009 елда нефть компанияләре 32,5 млн.тонна нефть чыгарган