Икътисад 1 февраль 2005 18:48

2004 елда Татарстан өстәмә 19,5 миллиард сум керем алды

Скопировать ссылку

(Казан, 1 февраль, «Татар-информ», Әнвәр Маликов). 2004 елда Татарстанның берләштерелгән бюджеты керемнәр буенча 75,2 миллиард сум күләмендә башкарылган, ә күптән түгел кертелгән төзәтмәләр белән план 73 миллиард тәшкил итә иде. Бу хакта бүген журналистларга республиканың финанслар министры Радик Гайзатуллин хәбәр итте. Башлангыч планга караганда, өстәмә алынган керемнәр 19,5 миллиард сум күләмендә исәпләнә. Бу алдан бюджет керемнәрен исәпләгәндә нефтьнең тышкы бәясе бер баррель өчен 20 доллар, эчке бәясе тоннага 2785 сум итеп алынуга бәйле. Билгеле булганча, беренче күрсәткеч артты. Моннан тыш, нефть эшкәртү һәм нефтехимия продукциясе базарында уңай конъюнктура булды.

Өстәмә керемнәрнең 14,3 миллиарды министрлыклар һәм ведомстволар аша халык хуҗалыгының агымдагы ихтыяҗларына бүленгән, шул исәптән, капиталь төзелешкә 8,4 миллиард сум тотылган (Казан объектларына – 5,4 миллиард). Җирле бюджетларга 5,2 миллиард сум җибәрелгән, шуның ярдәмендә хакимиятләр тауар һәм хезмәт күрсәтүчеләр алдында булган бурычларын тулысынча түләп бетергән.

Татарстан бюджеты керемнәренең чиреккә якыны федераль бюджеттан күчерелгән акчалар. Аларның күләме 18,2 миллиард сум тәшкил иткән, бу вәгъдә ителгәннән 5,4 миллиардка күбрәк.

Сәхифәләр

2004 елда Татарстан өстәмә 19,5 миллиард сум керем алды