Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
20 гыйнварда “КАМАЗ-Мастер” командасы Чаллыга кайтачак
Күркәм гадәткә кергәнчә, “Бигеш” аэропортында легендар узышчылар өчен тантаналы кабул итү оештырылачак
(Чаллы, 17 гыйнвар, «Татар-информ», Евгений Сироткин). 20 декабрьдә Мәскәү вакыты белән 00.25 сәгатьтә “Дакар-2011” ралли-рейдында чемпион калган “КАМАЗ-Мастер” командасы Чаллыга кайтачак. Күркәм гадәткә кергәнчә, “Бигеш” аэропортында легендар узышчылар өчен тантаналы кабул итү оештырылачак.
Искәртеп узабыз, “КАМАЗ-Мастер” командасы шимбә көнне Көньяк Америкада төгәлләнгән “Дакар-2011” трансконтиненталь ралли-марафонында йөк машиналары категориясендә унынычы мәртәбә җиңү яулады. Моңа кадәр команда “Дакар”да 9 мәртәбә (1996, 2000, 2002-2006, 2009 һәм 2010 елларда) җиңгән иде.
Раллида тәҗрибәле узышчы Владимир Чагин беренче урынны яулады. Чагин өчен чираттагы титул исәп буенча җиденчесе инде. “Дакар”да ике мәртәбә җиңгән Фирдәвес Кәбиров бу юлы финишка икенче булып килде. Раллида беренче тапкыр пилот сыйфатында катнашкан һәм барлык танылган чит ил узышчыларын артта калдырган яшь спортчы Эдуард Николаев өченче урынга лаек булды. Илгизәр Мәрдиев исә дүртенче урынны алды.
Россия командасын чираттагы җиңүләре белән РФ Президенты Дмитрий Медведев, ТР Президенты Рөстәм Миңнеханов һәм Чаллы шәһәре мэры Васил Шәйхразиев котлады.
Кызыклы яңалыкларны күзәтеп бару өчен Телеграм-каналга язылыгыз