19 августның төп вакыйгалары - фото һәм сылтамалар
Васил Шәйхразиев Татарстан халкын Корбан гаете белән котлый, Татарстан урманчылары мәктәпкә җыенырга ярдәм итә.
Питрәчтә студент кыз комбайн штурвалы артына утырган / Эльвина Хаҗетдинова педагоглыкка укый, инглиз һәм кытай телләрен үзләштерә.
Васил Шәйхразиев Татарстан халкын Корбан гаете белән котлый / "Ул дөньяның барлык мөселманнарны берләштереп, үзара ярдәмләшүне тоярга мөмкинлек бирә, игелекле гамәлләргә өнди", диелгән котлау текстында.
Россиядә Белем бирү сыйфатын бәяләү буенча халыкара совет төзиләр / Россия Мәгариф һәм фән буенча күзәтчелек федераль хезмәте җитәкчесе Байкал мәгариф форумы барышында шул хакта әйткән.
Төмәндә Тимур Насыйров истәлегенә ат ярышлары була / Урал федераль округы чемпионаты Түбән Тәүдедә узачак.
Татарстан урманчылары мәктәпкә җыенырга ярдәм итә / Беренче сыйныф укучылары өчен әзерләнгән кирәк-яраклар күпбалалы һәм аз тәэмин ителгән гаиләләргә бирелгән.
Башкортстанда беренче тапкыр кош сурәте төшерелгән археологик һәйкәл табылган / Горизонталь плитәдәге тар ярыкта металл корал белән төшерелгән кош сурәте мүк белән капланган булган.
Россия спортчысы Казанда пляж теннисы турнирында ир-атлар арасында парлы разрядта җиңде / Россия теннисчысы италияле белән парлап уйнап, "Кazan World Grand Prix 2018" ярышында чыгыш ясады.
Новосибирск шәһәрендә татар яшьләренең Себер фестивале була / 27 сентябрьдән 30 сентябрьгә кадәр узачак фестивальдә 18 яшьтән 35 яшькә кадәр һәр татар кешесе катнаша ала.
