18 яшьлек егет идарә иткән Kia машинасы кюветка очып төшкән, пассажир һәлак булган
Скопировать ссылку
Узган төндә Казан-Оренбург трассасының 226нчы километрында Kia машинасының 18 яшьлек йөртүчесе зур тизлектә кюветка очып төшкән. Егет машина йөртү таныклыгын ике атна элек кенә алган булган.
Юл-транспорт һәлакәтендә автомобильнең арткы утыргычында булган 44 яшьлек пассажиры урында ук үлгән. Ул куркынычсызлык каешын эләктермәгән булган, диелә хәбәрдә.
Фото: © Татарстан Дәүләт автоинспекциясе