news_header_top_970_100
news_header_bot_970_100

18.00 сәгатькә Татарстанда 2 миллион чамасы сайлаучы тавыш бирде

Казан районнарында тавыш бирүчеләр 38-58 процент тәшкил итә

  (Казан, 14 сентябрь, "Татар-информ", Камил Әсадуллин). 18.00 сәгатькә булган мәгълүматларга караганда, V чакырылыш Дәүләт Советына сайлауларда 1 млн. 952 тыс. 14 сайлаучы тавыш биргән, бу гомумсанның 67,58 процентын тәшкил итә.
Тавыш бирүчеләр саны буенча элеккечә ТР Кайбыч районы лидерлык итә, сайлаучыларның 98,60 проценты тавыш биргән. Икенче урында - Чирмешән районы (97,91 процент), өченче – Әтнә районы (97,77).
Түбән Камада сайлаучыларның 62-63 проценты тавыш биргән, Әлмәттә –63, Түбән Камада – 52, Алабугада – 64, Яшел Үзәндә - 69. Казан районнарында тавыш бирүчеләр 38-58 процент тәшкил итә.
ТР Үзәк сайлау комиссиясе секретаре Надежда Борисова, массакүләм гаризалар язу ярдәмендә участок сайлау комиссиясе эшен туктатырга омтылу дәвам итә, дип белдерде. Мондый очраклар 4-5 районда теркәлгән.
Комиссия әгъзалары укулар вакытында штаттан тыш вәзгыятькә әзерлек үткән иде, хәзер алар закон кысаларында эш итәләр, дип ассызыклады Н.Борисова.

(Фотосурәт izbirkom.tatarstan.ru сайтыннан алынды).

news_right_column_1_240_400
news_right_column_2_240_400
news_bot_970_100