17 октябрьдә Санкт-Петербургта татар яшьләренең беренче форумы узачак
Скопировать ссылку
17 октябрьдә Санкт-Петербургта «Акыл фабрикасы» проекты кысаларында «Санкт-Петербург татар яшьләренең беренче форумы» узачак. Бу хакта Татарстан Республикасының Санкт-Петербургта һәм Ленинград өлкәсендәге даими вәкиллеге матбугат хезмәте хәбәр итә.
«Акыл Фабрикасы» — татар яшьләренең аралашу, тәҗрибә уртаклашу һәм инициативаларын үстерү мәйданчыгы.
Форум Санкт-Петербург татар милли-мәдәни автономиясенең мәдәни үзәгендә узачак. Чарага алдан теркәлү сорала.
