17 майның төп вакыйгалары - фото һәм сылтамалар
Зәй районы чәчүне тәмамлады, Кытайда эшлекле форумда Татарстан потенциалын күрсәттеләр, Ризаэтдин Фәхретдиннең "Мөхәммәдﷺ" китабы нәшер ителде.
Зәй районы чәчүне республикада беренче булып тәмамлады / Район кыр эшләренә иң беренчеләрдән булып керешкән иде.
Телләрне ирекле укыту милләтләр дуслыгын какшата - Удмурт милли-мәдәни автономиясе рәисе / Андрей Герасимов мәктәпләрдә телләрне укытуның якынча пропорциясен тәкъдим итә.
Кытайда Рөстәм Миңнеханов өчен “Әпипә” җырын башкардылар / Президент Чжэцзян провинциясендә Кытай коммунистлар партиясе сәркатибе Чэ Цзюнны Татарстанга чакырды.
Ризаэтдин Фәхретдиннең "Мөхәммәдﷺ" китабы нәшер ителде / Ул Татарстан Мөселманнары Диния Нәзарәтенең “Хозур” нәшрият йортында татар һәм рус телләрендә басылды.
М.Ярмиев татарча тифлокомментарийлы спектакль турында: Театрда бөтен уңайлыклар тудырылган / 20 май көнне “Куян Эдвардның гаҗәеп сәяхәте” спектакле татарча тифлокомментарийлар белән барачак.
Владимир Леонов: Казан Дөнья чемпионатына әзер диярлек / Татарстан спорт министры сүзләренә караганда, шәһәрдә юлларны һәм “Kazan-Arena” стадионын тәртипкә китерәләр.
Футбол буенча Дөнья чемпионаты Кубогы Казанга килеп җитте / Меңъеллык мәйданында журналистлар, волонтерлар һәм яшь футболчылар ФИФА Кубогы белән танышты.
Дагыстанда Татарча көрәш буенча төбәк федерациясе оеша / Махачкалада узачак "Сабантуй-2018"бәйрәмендә татар көрәшчеләре дә катнашачак.
Татарстан профсоюзлар федерациясе башлыгы Татьяна Водопьянова тоткарланган / Водопьянова зур күләмдәге коммерцияле җинаять кылуда шикләнелә.
