Хәвеф-хәтәр 18 май 2010 16:02

17 көндә республика юлларындагы транспорт һәлакәтләрендә 25 кешенең гомере өзелгән

Кичә, мәсәлән, Казан – Малмыж юлында җиңел машина җәяүленең үлеменә сәбәпче булган

Скопировать ссылку

(Казан, 18 май, “Татар-информ”). Кичә сәгать кичке 8 тулып узгач Казан – Малмыж юлының 64 нче чакрымында, Арча районы турысында, “ВАЗ-2114” белән идарә иткән 1982 елгы кеше, алдан чыгарылган нәтиҗә мәгълүматлары буенча, юл йөрү кагыйдәләренең 14.1 пунктын бозу нәтиҗәсендә 1987 елгы пассажирны таптаткан. Җәяүлеләр өчен каралган светофорсыз, ягъни регулировкаланмый торган юл кичүеннән чыгып барган җәяүле һәлакәт урынында һәлак булган.

Шул хакта “Татар-информ” агентлыгына хәбәр иткән республика ЮХИДИ идарәсе белешмәсе буенча, майның 17 көнендә республика юлларында кешеләргә бәла-каза китергән 259 транспорт һәлакәте булган, шулар нәтиҗәсендә 25 кешенең гомере өзелгән, 337 кеше төрле дәрәҗәдә җәрәхәтләнгән, имгәнгән. Шул исәптән Казанда 99 һәлакәт 122 кешегә каза салган, 2 кешенең үлеменә сәбәпче булган.

Сәхифәләр

17 көндә республика юлларындагы транспорт һәлакәтләрендә 25 кешенең гомере өзелгән