Фән һәм мәгариф 28 май 2023 12:30

17 илдән 22 мәгариф министры Казанда халыкара форумда катнашачак

Скопировать ссылку

7-10 июньдә Казанда беренче мәртәбә мәгариф министрларының халыкара форумы уза. «Киләчәкне формалаштырып» форумы Б.Рәмиев исемендәге IT-паркта уза, анда 468 катнашучы була.

Форумда Әрмәнстан, Абхазия, Әфганстан, Венесуэла, Мали, Мьянма, Палестина, Шри-Ланка, Көньяк Осетия, Сербия Республикасы, Куба, Пакистан һәм башка илләрдән 22 мәгариф министры катнашачак. Моннан тыш, Мисыр, Кыргызстан, Берләшкән Гарәп Әмирлекләре, Сирия, Сенегал, Төрекмәнстан, Казахстан, Замбия, Конго Республикасы, Никарагуа һәм Таҗикстаннан 11 вазифаи затның катнашуы көтелә.

Россияне төбәкләрдәге мәгариф идарәсе органнарының 64 җитәкчесе, федераль педагогия университетларының 30 ректоры, Россия Мәгариф министрлыгы карамагындагы учреждениеләрнең 90 вәкиле, Дәүләт Думасының, Россия мәгариф күзәтчелеге һәм мәгариф министрлыгының 40тан артык вәкиле тәкъдим итәчәк.

Форумда икътисад үсешендә мәгарифнең роле, яшьләр һәм сәламәтлек мөмкинлекләре чикле балалар белән эшләү, шулай ук белем бирүнең үтемлелеге, балалар ялы һәм һәм чит илдә рус телен укыту турында сөйләшәчәкләр.

Чарада илдәге белем бирү системасы уңышларына, Россиянең алдынгы тәҗрибәсенә багышланган күргәзмә була. Чит илдән килгән катнашучыларга Татарстандагы белем бирү оешмаларына экскурсия оештырыла.

Сәхифәләр

17 илдән 22 мәгариф министры Казанда халыкара форумда катнашачак