Җәмгыять 18 август 2020 09:38

16 яшькә кадәрге балаларга түләү турында карар кайбер шартларга карап кабул ителәчәк

Хәлиткеч карарны Россия Финанс министрлыгы кабул итәчәк.

Скопировать ссылку

(Казан, 18 август, «Татар-информ»). 16 яшькә кадәрге балалары булган гаиләләргә яңа түләүләр турындагы карар кайбер факторларга карап кабул ителәчәк, дип белдерде Федерация Советы социаль комитеты башлыгының беренче урынбасары Валерий Рязанский. Бу хакта «Известия» газетасы яза.

Хәлиткеч карарны РФ Финанс министрлыгы кабул итәчәк, чөнки бюджетта мондый түләүләр күздә тотылмаган. Моннан тыш, алар коронавирус аркасында кертелгән төзәтмәләрдә дә юк.

«Быелгы бюджетта мондый ресурслар каралмаган», — дип искәртте Рязанский.

Аның сүзләренчә, Хөкүмәттә гаиләләргә яңа төрле ярдәм күрсәтү хакында Премьер-министр Михаил Мишустин Ерак Көнчыгышка сәфәреннән әйләнеп кайтканнан соң фикер алышырга мөмкиннәр.

#балаларга пособие #пособие

Сәхифәләр

16 яшькә кадәрге балаларга түләү турында карар кайбер шартларга карап кабул ителәчәк