Авыл 14 сентябрь 2017 06:00

16 сентябрьдән тукайлылар өчен авыл хуҗалыгы ярминкәләре башлана

Яр Чаллы шәһәрендә ярминкәләр өч төп мәйданчыкта узачак.

Скопировать ссылку

(Тукай районы, 14 сентябрь, "Татар-информ", "Якты юл"). 16 сентябрьдән тукайлылар өчен авыл хуҗалыгы ярминкәләре башлана. Гадәттәгечә, Тукай районы авыл хуҗалыгы товарлары җитештерүчеләр Яр Чаллы шәһәре Г. Тукай Яр буе урамындагы «Төзүче» стадионы мәйданына килә ала, дип яза җирле басма.

Яр Чаллы шәһәре башкарма комитетының куллану базары бүлеге башлыгы Рәисә Солтанова хәбәр иткәнчә, ярминкәләр Яңа елга кадәр дәвам итәчәк. Ә бәйрәм алдыннан махсус «Яңа ел казы» тематик ярминкәләре оештырылачак: 16, 17, 23, 24 декабрьләрдә Ш. Усманов урамында һәм 16, 23, 24 декабрьләрдә Г. Тукай Яр буе урамындагы «Төзүче» стадионы мәйданында.

Яр Чаллы шәһәрендә ярминкәләр өч төп мәйданчыкта узачак – Комсомол районында «Төзүче» стадионы каршында, Автозавод районында Г. Камал бульварында, Үзәк районында Ш. Усманов урамының Пушкин урамыннан алып Вахитов проспектына кадәрге өлешендә.

#Тукай #Якты юл

Сәхифәләр

16 сентябрьдән тукайлылар өчен авыл хуҗалыгы ярминкәләре башлана