16 июльнең төп вакыйгалары - фото һәм сылтамалар
“Казан-Арена” стадионында киләчәктә Татарстанның Спорт музее эшләячәк, дин әһелләре форумында татар телен саклау мәсьәләсе күтәреләчәк.
Буа һәм Чаллы театрлары «Коляда-Plays - 2018» театр фестивалендә катнашырга мөмкин / Буа театрының “Концлагерьчылар” һәм Чаллы театрының “Зәңгәр томан артында” спектакльләре фестивальнең лонг битенә кертелгән.
Изге Болгар җыенында яңа объектлар ачылачак / Быел Изге Болгар җыены 21 июльдә узачак.
Рөстәм Миңнеханов Дөнья чемпионаты кубогы Россия җыелмасында булырга тиеш дип саный / Татарстан Президенты мундиальдан соң илнең милли җыелмасына ышанычы барлыкка килде, диде.
Владимир Леонов Дөнья чемпионатын яктырткан журналистларга рәхмәтен җиткерде / “Безнең эш сез яхшы эшләгәндә күренә”, - диде министр.
“Казан-Арена” стадионында киләчәктә Татарстанның Спорт музее эшләячәк / Хәзерге вакытта Шамил Галиев исемендәге музейны Спорт сараеннан күчереп, мәйданнарын киңәйтү һәм яңа экспонатлар белән тулыландыру турында сүз бара.
Казанда узган алты матчны 250 меңнән артык кеше караган / Тамашачыларның 60 проценты – чит илләрдән килгән туристлар.
Татарстанның 5 районыннан килгән 100 яшь армияче хәрби әзерлек нигезләрен үтте / Биектау районының «Яшь парашютчы» лагерында «Ватанпәрвәрләр үстерәбез» дигән яшь армиячеләр сменасын ябу тантанасы булды.
Дин әһелләре форумында татар телен саклау мәсьәләсе күтәреләчәк / "Без милли тормышыбызны, динебезне бергә үреп барган очракта гына халкыбызның язмышы, киләчәге турында сүз йөртә алабыз”, - диде Данис Шакиров.
Татарстан, РАНХиГС һәм Газпромбанк үзара хезмәттәшлек турында килешү имзалады / Документка Татарстан Президенты Рөстәм Миңнеханов, югары уку йорты ректоры Владимир Мау һәм банк идарәсе рәисе урынбасары Вадим Кулик кул куйды.
