Спорт 12 февраль 2010 13:27

14 февральдә ТР Икътисад министрлыгы хезмәткәрләре чаңгыга баса

Министр Марат Сафиуллин җитәкчелегендә министрлыклар җитәкчеләре чаңгыда 2013 метрга йөгерәчәк

Скопировать ссылку

(Казан, 12 февраль, «Татар-информ»). ТР Икътисад министрлыгы командасы 14 февральдә узачак “Россия чаңгы юлы-2010” Бөтенроссия массакүләм чаңгы узышында катнаша. Бу хакта ТР Икътисад министрлыгының матбугат хезмәте белдерә.
ТР Икътисад министрлыгы хезмәткәрләре Аккош күле трассасында старт ала. Министр Марат Сафиуллин җитәкчелегендә министрлыклар җитәкчеләре чаңгыда 2013 метрга йөгерәчәк. Узышта катнашучыларны кайнар чәй һәм коймак белән сыйлаячаклар, шулай ук аларны мавыктыргыч конкурслар, истәлекле бүләкләр көтә.
Икътисад министрлыгында хезмәткәрләрнең физик үсешенә зур игътибар бирелә һәм шартлар тудырыла. Бу министрлык коллективы шәһәрдә үткәрелә торган барлык массакүләм спорт чараларында катнаша. Ел саен ведомствоның җәйге һәм кышкы спартакиадасы үткәрелә, министрлыкның тренажерлар белән җиһазланган спорт залы бар, спортта уңышларга ирешкән хезмәткәрләргә акчалата премия бирелә.

Сәхифәләр

14 февральдә ТР Икътисад министрлыгы хезмәткәрләре чаңгыга баса