13 яшьлек Казан кызы фигуралы шуу тарихында иң яхшы дүртле сикереш ясады
Камилә Вәлиева юниорлар Гран-приеның беренче этабында җиңү яулады.
Скопировать ссылку
(Казан, 26 август, «Татар-информ»). Татарстан спортчысы Камилә Вәлиева фигуралы шуу тарихында беренче тапкыр иң яхшы дүрт катлы сикереш башкарды һәм Франциянең Куршевель шәһәрендә юниорлар Гран-приеның беренче этабында җиңде. Бу хакта «Чемпионат» сайтында хәбәр ителә.
Дүртле тулуп өчен Австрия арбитры Эдит Шиллер биш балл куйды. Элек аны фигуристкаларның берсе дә ала алмаган иде. Текстта әйтелгәнчә: «Бу элемент гадәтигә әйләнмәде әле, әмма инде космик нәрсә буларак та кабул ителми. Ә инде берничә елдан соң дүрт катлы сикерешсез зур җиңүләргә дәгъва кылу мөмкин булмаячак».
- 13 яшьлек Камилә Вәлиева - Россиянең атказанган тренеры Этери Тутберидзе шәкерте. Тутберидзе - олимпиадада җиңүчеләр һәм призерлар Юлия Липницкая, Алинә Заһитова һәм Евгений Медведеваны әзерләгән тренер.