Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
11-12 августта Мәскәү өлкәсендә "Йолдызлар яңгыры" ачык һава фестивале узачак
Фестиваль Мәскәү өлкәсе Иске Купавна авылында узачак.
(Мәскәү, 26 июль, "Татар-информ", Римма Гомәрова). Мәскәү шәһәренең татар һәм башкорт яшьләре уртак проект әзерли — 11-12 августта Мәскәү өлкәсендә "Йолдызлар яңгыры" ачык һава фестивале узачак. Программага спорт уеннары, остаханәләр, бизнес-форум, тере тавышлы концерт, дизайнерлар ярминкәсе кергән. Ашау — хәләл. Шулай ук намаз вакытын оештыру, дингә кагылышлы сорауларга җавап бирү өчен "Имамга сорау" акциясе дә оештырылачак.
Фестивальне оештыручылар — Мәскәү шәһәренең "Бердәмлек" яшьләр клубы, Татарстан Республикасы вәкиллегенең яшьләр шурасы, Мәскәү татарларының "Штаб" оешмасы, "Татарча волейбол" командасы, "Яңарыш", "Мирас" яшьләр клублары, башкорт студентларының BashStudents ассоциациясе, "Ак тирмә" милли-мәдәни үзәге, "Мәскәү башкортлары" берләшмәсе, Рәсәй мөфтиләр шурасы, "Татар ашлары йорты".
Урыны — Мәскәү өлкәсе, Иске Купавна авылы.
Кызыклы яңалыкларны күзәтеп бару өчен Телеграм-каналга язылыгыз