10 мартның төп вакыйгалары – фото һәм сылтамалар
Татарстан хуҗалыклары язгы чәчүгә әзерләнә, Казанда Т.Миңнуллин конференциясе бишенче тапкыр уза, Фәридә Хәсьянова юбилей күргәзмәсенә әзерләнә һ.б.
Композитор Илгиз Закиров татар эстрадасын контрольдә тотып буласында шикләнә. / "Эстрада контрольдән ычкынды инде ул", - ди "Әнкәмнең догалары", "Саубуллашу җыры", "Керкәле таулары" кебек хит җырлар авторы.
2018 ел уңышына тупланган ашлама буенча алдынгы һәм артта калган районнар – исемлек. / Татарстанда иң күп ашлама туплаган район белән иң түбән әзерлекле район арасында аерма 20 тапкырдан артык.
Рөстәм Тарико татар халкының өч көчле сыйфаты бар дип саный. / "Русский стандарт" холдингы хуҗасы фикеренчә, бу сыйфатлар аның үзенә дә югары дәрәҗәгә ирешергә булышкан.
Казанның 12нче гимназиясендә Туфан Миңнуллин исемендәге V республика конференциясе узачак. / 27 мартта, Халыкара театр көнендә, гимназиядә иң яхшы фәнни һәм иҗади эш авторларын дипломнар белән бүләкләячәкләр.
Фәридә Хәсьянова "Тукай балачагы" сериясеннән график әсәрләрен беренче тапкыр күрсәтәчәк. / Рәссамның юбилей күргәзмәсе 14 мартта Казанның "Хәзинә" галереясендә ачыла.
