Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
10 гыйнвардан Казан һәм Чаллы җәмәгать транспортына билет бәясе арта
10 гыйнвардан Казан һәм Чаллыда җәмәгать транспортында пассажирлар һәм багажны регуляр ташу тарифлары үз көченә керә. Тарифның артуы, беренче чиратта, предприятиеләрнең чыгымнары арту аркасында күзәтелә – узган ел башыннан дизель ягулыгына бәяләр 6 процентка үскән, ә запас частьләргә бәяләр арту 80 процент тәшкил иткән.
Мәсәлән, Татарстан башкаласында бер тапкыр бару өчен алына торган билетның бәясе акчалата түләгәндә 36 сум күләмендә сакланачак. Банк картасы белән түләгәндә билет 35 сум торачак.
Чаллыда билетны акчалата алганда аның бәясе 30 сум тәшкил итәчәк, 100 тапкыр йөрүгә исәпләнгән билет белән түләгәндә – 23 сум.
Пассажирлар ташучылар тарифның артуын предприятиеләрнең чыгымнары, шул исәптән транспортка техник хезмәт күрсәтү һәм ремонтлау, лизинг түләүләре, ягулык чыгымнары һәм предприятие хезмәткәрләренең хезмәт хакы артуы белән бәйләп аңлата. 2022 ел башыннан дизель ягулыгына бәяләр 6 процентка, майларга һәм махсус сыеклыкларга – 39 проценттан 152 процентка кадәр, запас частьләргә – 80 процентка кадәр, ә комплектлау әйберләрнең аерым категорияләре буенча, мәсәлән, тормоз барабаннарына бәяләр 2,3 тапкырга арткан.
Шул ук вакытта транспорт предприятиеләре үз эшләрен оптимальләштерә, шул исәптән автобус маршрутларының эш режимын һәм хәрәкәт интервалын саклап калып, расписаниеләргә үзгәрешләр кертә. Нульле хәрәкәт кыскара, кадрлар составына оптимальләштерү үткәрелә. Хәрәкәт составы арту сәбәпле, маршрутларны машина йөртүчеләр һәм кондукторлар белән тәэмин итү эше дәвам итә.
Кызыклы яңалыкларны күзәтеп бару өчен Телеграм-каналга язылыгыз