Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
1 сентябрьгә Казан федераль университетының рәсми сайты татар телендә дә эшләячәк
Югары уку йортының рәсми сайты берничә телдә эшли.
(Казан, 17 август, «Татар-информ», Надежда Гордеева). 1 сентябрьгә Казан (Идел буе) федераль университеты рәсми сайтының татар телле версиясен булдырырга уйлый. Бу хакта бүген «Татар-информ»да узган матбугат конференциясендә югары уку йортының ректоры Илшат Гафуров хәбәр итте.
«Бу берникадәр дәрәҗәдә безнең югалтуыбыз булганын аңларга кирәк. Сайт берничә телдә эшли. 1 сентябрьгә татар телле версиясе дә әзер булыр дип уйлыйм», – диде университет ректоры.
Аның сүзләренчә, кыска вакыт аралыгында университет сайты берничә тапкыр форматын үзгәрткән. «Бу мәҗбүри чара иде, чөнки сайт “дөньяга тәрәзә” булып тора. Халыкара проектларда катнаша башлагач, безнең өчен академик дәрәҗә һәм танылу белән бәйле барык әйбер мөһим була башлады. Шуңа күрә сайтның инглиз телле версиясе барлыкка килде. Аннан соң хөкүмәтара килешүләр күбәйде, Кытай белән тыгыз эшли башладык, кытай телле версияне булдырдык», – дип аңлатты Илшат Гафуров.
Кызыклы яңалыкларны күзәтеп бару өчен Телеграм-каналга язылыгыз