Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
1 сентябрьдә Түбән Кама районында капремонттан соң авыл мәктәбе ачыла
Бүген Түбән Кама муниципаль районы Башкарма комитеты җитәкчесе Рамил Муллин Кармалы урта мәктәбендә ремонт эшләренең барышы белән танышты.
Гомуми белем бирү учреждениесе 1989 елдан бирле эшли. Шушы вакыт эчендә бу бинада ремонт булмаган. Бу турыда Түбән Кама муниципаль районының рәсми сайтында хәбәр ителә.
Хәзерге вакытта төзүчеләр мәктәпнең икенче катын тулысынча ремонтлады – идәннәрне, диварларны һәм түшәмнәрне тәртипкә китерделәр, электрика һәм сантехниканы алыштырдылар. Хәзер беренче каттагы кабинетларны, коридорларны һәм спорт залын бизәү эшләре актив алып барыла. Шулай ук керү урыны да тулысынча яңартылачак.
Рамил Муллин мәктәп директоры белән бергәләп капиталь ремонтның барышын тикшерде. Ул барлык эшләрне дә вакытында тәмамлау кирәклегенә аерым игътибар итте. «Яңа уку елына балалар туган стеналарына кайтырга тиеш», – диде Рамил Муллин.
Бу көздә яңартылган мәктәпкә 150 гә якын бала киләчәк.
Беренче сентябрьгә мәктәп тышкы яктан гына түгел, эчке яктан да үзгәрәчәк. Уку йортына яңа җиһазлар сатып алыначак.
Исегезгә төшерәбез, быел капиталь ремонт Түбән Кама шәһәренең һәм районының алты мәгариф объектында бара.
Кызыклы яңалыкларны күзәтеп бару өчен Телеграм-каналга язылыгыз