Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
1 июльдән торак-коммуналь хуҗалык хезмәтләре өчен тарифлар артты
Республикада түләүләр күләмен үзгәртүнең уртача индексы — 4,4 процент, факттагы күрсәткеч 4,28 процентны тәшкил итә.
(Казан, 6 июль, «Татар-информ», Гадел Әхмәтҗанов). Татарстанда, Россиянең башка төбәкләрендә кебек үк, 1 июльдән торак-коммуналь хуҗалык хезмәтләре өчен бәяләр артты.
«Татарстанда гражданнар тарафыннан коммуналь хезмәтләр күрсәтүгә кертелә торган түләү күләмен үзгәртүнең уртача индексы 2021 елның 1 июленнән — 4,4 процент, факттагы күрсәткеч 4,28 процентны тәшкил итә», — диде Татарстанның Тарифлар буенча дәүләт комитеты рәисе Александр Груничев Хөкүмәт Йортында узган брифингта.
Аның сүзләренчә, газның бер кубометры өчен тарифлар — 6 сум 70 тиен сум, электр энергиясенә 4 сум 11 тиен күләмендә билгеләнгән. Ташламалы категорияле гражданнар өчен — бер киловатт 2,88 сум.
«Күп фатирлы йортларда чүп чыгару хезмәте өчен түләү бер кешегә 96,08 сум, шәхси торак йортлар өчен аена 104,23 сум тәшкил итәчәк», — диде Александр Груничев.
Кызыклы яңалыкларны күзәтеп бару өчен Телеграм-каналга язылыгыз