1 гыйнвардан иминият пенсияләренә индексация ясалачак
Скопировать ссылку
2025 елның 1 гыйнварыннан эшләүче һәм эшләмәүче пенсионерларның иминият пенсиясе 7,3 процентка индексацияләнәчәк. Бу хакта РИА Новости агентлыгы Дәүләт Думасының социаль сәясәт комитеты башлыгы Ярослав Ниловка (ЛДПР) сылтама белән хәбәр итә.
«1 гыйнвардан иминият пенсияләре 7,3 процентка индексацияләнәчәк», - диде Нилов.
Аның сүзләренчә, индексация күләме инфляция фаразы белән билгеләнә, әмма реаль инфляция аерылса, ул очракта Хөкүмәтнең пенсия күләмен өстәмә рәвештә индексацияләү мөмкинлеге бар. Депутат РФ бюджетында моның өчен акча каралуын билгеләп үтте.