news_header_top_970_100
news_header_bot_970_100

1 февральдән Россиядә кайбер социаль түләүләр, пособиеләр, компенсацияләр индексацияләнде

1 февральдән социаль түләүләр, пособиеләр һәм компенсацияләр 11,9 процентка индексацияләнде. РФ Хөкүмәте 30 гыйнварда кабул иткән шул хактагы карар хокукый мәгълүмат порталында урнаштырылган. Бу хакта «Интерфакс» агентлыгы хәбәр итә.

Индексация балалы гаиләләр өчен пособиене, ана капиталын, инвалидлар һәм ветераннарга түләүләрне, җитештерүдәге бәхетсезлек очраклары һәм һөнәри авырулардан социаль иминиятләштерүне, радиациядән (шул исәптән Чернобыль АЭСындагы һәлакәт аркасында) зыян күргән гражданнар өчен компенсацияләрне (һ.б.) үз эченә ала.

Беренче балага ана капиталы күләме 587 сумга диярлек артачак. Бу узган елга караганда 62,5 мең сумга күбрәк. Үз чиратында, икенче балага ана капиталы 775,6 мең сум (82,5 мең сумга артыграк) чамасы тәшкил итәчәк.

Ел саен 1 февральдән моннан алдагы ел өчен куллану бәяләре индексыннан чыгып түләүләр, пособиеләр һәм компенсацияләрне индексацияләү коэффициенты билгеләнә.

news_right_column_1_240_400
news_right_column_2_240_400
Медиаметрикс
news_bot_970_100