Җәмгыять 31 март 2010 15:55

1 апрельдән чит ил паспортларын “Дәүләт хезмәтләре” порталы аша рәсмиләштереп булачак

Беренче булып бу система Мәскәүдә эшли башлаячак

Скопировать ссылку

(Казан, 31 март, “Татар-информ”). 1 апрельдән россиялеләр чит ил паспортларын gosuslugi.ru порталы аша рәсмиләштерә ала. РФ Федераль миграция хезмәте җитәкчесе Константин Ромодановский заявкаларның “Госуслуги” Интернет-порталы аша кабул ителә башлаячагын хәбәр итте. Беренче булып бу система Мәскәүдә эшли башлаячак.
Бүгенге көндә җиһазларны тикшерү һәм гражданнарның электрон гаризалары белән эшләячәк персоналны укыту бара. Хәзер Федераль миграция хезмәте бүлекләрендә, сезонга хас булганча, чит ил паспортларын рәсмиләштерергә теләүчеләрнең зур агымы күзәтелә. Аларның күпчелеге 10 ел вакытка исәпләнгән биометрик паспортлар ала. Бу хакта үзәк мәгълүмат чаралары хәбәр итә.

Сәхифәләр

1 апрельдән чит ил паспортларын “Дәүләт хезмәтләре” порталы аша рәсмиләштереп булачак