Җәмгыять 28 март 2017 11:50

1 апрельдә Кабан күле яры буенда зур өмә уздырыла

Өмә #ЭКОяз2017 санитар-экологик икеайлыгы кысаларында оештырыла.

Скопировать ссылку

(Казан, 28 март, “Татар-информ”, Гөлнар Гарифуллина). 1 апрельдә Казанда беренче язгы шимбә өмәләренең берсе Кабан күле яры буенда узачак. Ул 1 апрельдән Татарстанда старт алучы #ЭКОяз2017 санитар-экологик икеайлыгы кысаларында оештырыла. Бу хакта бүген Татарстан Министрлар Кабинетында узган брифингта Татарстанның экология һәм табигый байлыклар министры Фәрит Габделганиев белдерде.

Министр сүзләренә караганда, бүгенгә 200дән артык кеше өмәдә катнашырга теләк белдергән. “Өмәне музыка белән зур күңелле чара итеп оештыру ниятләнә”, – ди ул.

Фәрит Габделганиев 1 апрельдән әйләнә-тирәне чүптән арындыру буенча өмәләрнең, Яр Чаллы, Әлмәт, Түбән Кама, Алабуга, Яшел Үзән, Чистай кебек шәһәрләрдә дә үткәрелә башлаячагын әйтте. Министр #ЭКОяз2017нең символы аккош булачагын искәртеп, аның рәсеме эмблема итеп алынганын да билгеләп узды.

#Язгы өмә #экологик икеайлык

Сәхифәләр

1 апрельдә Кабан күле яры буенда зур өмә уздырыла