news_header_top_970_100
Руc Тат
16+
news_header_bot_970_100
Җәмгыять 15 октябрь 2014 10:29

1,5 мең Украина качагы Татарстанда вакытлыча яшәү урыны бирү турындагы таныклык рәсмиләштергән

Хәзерге вакытта таныклыкларны 300ләп кеше алган

Скопировать ссылку

(Казан, 15 октябрь, «Татар-информ»). Федераль миграция хезмәтенең Татарстан буенча идарәсе Россия Федерациясе территториясендә вакытлыча яшәү урыны тәкъдим итү турындагы таныклыклар бирә башлаган.

Хәзерге вакытта таныклыклар 2014 елның 25 августына кадәр гариза белән мөрәҗәгать иткән кешеләргә бирелә. "Татар-информ" агентлыгына миграция хезмәтеннән хәбәр итүләренчә, бүгенге көндә Татарстанда вакытлыча яшәү урыны бирүне сорап, 3863 кеше мөрәҗәгать иткән. Берникадәр вакыт яшәп тору урыны 3814 гражданга тәкъдим ителгән, шул ук вакытта вакытлы яшәү урыны тәкъдим ителү турындагы таныклыкны 1,5 мең кеше рәсмиләштергән, 300 ләбе алган.

Таныклык алу өчен Федераль миграция хезмәтенең ТР буенча идарәсенең территориаль органнарына мөрәҗәгать итү зарур. Казанда ул М.Гафури урамы, 46 нчы йорт, 3 нче кабинетта бирелә.  

autoscroll_news_right_240_400_1
autoscroll_news_right_240_400_2
news_bot_970_100