«Ак Барс» хоккейчылары Мәскәүдән ике җиңү белән кайта
Бүген «Ак Барс» хоккейчылары Мәскәүнең «Динамо» командасын 2:0 исәбе белән җиңде. Матч Мәскәүдә узды.
Командалар плей-офф этабының киләсе раундына чыгар өчен көрәшә. Дүрт тапкыр җиңгән команда алга таба үтә, ә җиңелгәне Гагарин Кубогы өчен көрәштән төшеп кала. Бүген «Динамо» – «Ак Барс» сериясенең икенче уены булды, Казан командасы исәбендә ике җиңү бар.
Беренче периодның сигезенче минутында «Ак Барс» һөҗүмчесе Дмитрий Кателевский исәпне ачты (0:1).
Икенче периодта голлар булмады.
Өченче периодның ундүртенче минутында «Ак Барс» сакчысы Альберт Яруллин Мәскәү командасы капкасына икенче алканы кертте (0:2).
Командалар составы:
«Динамо»
- Подъяпольский (Моторыгин);
- Гусев – Уил – Сикьюра, Сизов – Ожиганов;
- Комтуа – Пакетт – Рашевский, Пыленков – Менелл;
- Слепышев – Михеев – Швец-Роговой, Адамчук – Сергеев;
- Кудрявцев – Ильенко – Римашевский, Кудашов - Готовец.
«Ак Барс»
- Билалов (Мифтахов);
- Барабанов – Сафонов – Галимов, Лямкин – Марченко;
- Петан – Семёнов – Яшкин, Фальковский – Миллер;
- Кошелев – О’Делл – Бровкин, Князев – Яруллин;
- Дыняк – Кателевский – Җамалтдинов, Лучевников – Ст.Терехов.
Киләсе уен Казанда «Татнефть Арена» боз сараенда узачак. «Ак Барс» – «Динамо» матчы 16 апрель көнне 19:30 сәгатьтә башлана.