news_header_top_970_100
news_header_bot_970_100

Юрист пенсияне яңадан исәпләүнең сәбәбен аңлатты

Аерым бер очракларда, шулай ук план нигезендә, дәүләт пенсия күләмен арттыра ала. Санкт-Петербург дәүләт университетының хезмәт һәм социаль хокук кафедрасы ассистенты Фатыйма Ногайлиева «Прайм» агентлыгына шулай дип белдергән. РИА Новости шул хакта яза.

Эксперт сүзләренчә, түләүләрне арттыруга, барыннан да элек, ел саен 1 гыйнварда ясала торган индексация һәм эшләүче пенсионерларга 1 августтан шәхси пенсия коэффициенты (ИПК) өстәлү йогынты ясый. Моннан тыш, пенсионер 80 яшькә җитсә, инвалидлык төркеме үзгәрсә яки иждивенец саны үзгәргәннән соң да түләү күләме артырга мөмкин. Мондый очракларда Россия Пенсия фондына гариза тапшырырга кирәкми.

Пенсияне билгеләгәннән соң, дип искәртә белгеч, яңадан исәпләүгә документлар тапшырырга туры киләчәк. Билгеләнгән пенсияне арттыруга гаризаны «Дәүләт хезмәтләре» порталында түбәндәге шартларга бәйле рәвештә тапшырырга мөмкин: 2002 елның 1 гыйнварына кадәрге чорда стаж турында яңа мәгълүматлар барлыкка килсә, Ерак Төньякта яки авыл җирлегендә стаж тупланса, иминият стажы җыелса һәм «Иминият пенсияләре турында»гы законда каралган башка чорларны исәпкә алганда.

Ногайлиева сүзләренчә, документларны тапшырган айның киләсе аенда түләүләрне яңадан исәплиләр. Исәп-хисап айның беренче көнендә башкарыла.

news_right_column_1_240_400
news_right_column_2_240_400
news_bot_970_100