Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Юрист мошенникларның «фамилиядәшләр» белән бәйле яңа схемасы турында кисәтте
Телефон мошенниклары россиялеләрне социаль челтәрләрдә алдауның яңа схемасын уйлап тапкан. Әйтик, әңгәмәдәшләрне «ялган документ ясау» белән куркытып, алар үз корбаннарының шәхси мәгълүматларын белә. Мондый схеманы Viber һәм WhatsApp мессенджерларында очратырга мөмкин. Россиянең атказанган юристы Иван Соловьев шул хакта кисәтте.
Белгеч билгеләп үткәнчә, мошенниклар, үзләрен тикшерү органнары хезмәткәре дип таныштырып, үз корбанын кызыксындырырга тырыша. Аларның версиясе буенча, «җинаятьче» үз корбанының фамилиядәше һәм аның документын алдап ясаган.
«Аңлашыла ки, үз туганым дип әйтеп, ялган ышаныч язуы ярдәмендә аның акчаларын алырга теләгән фамилиядәшенең кем булуы кешедә кызыксыну уята», - дип искәртте Соловьев «Прайм» агентлыгына биргән интервьюсында.
Аннары «шәхси мәгълүматларны чагыштыру» сылтавы белән мошенниклар үзләрен кызыксындырган мәгълүматны белә һәм әңгәмәдәшенә акчаларны «имин счетка» күчерергә тәкъдим итә. Юрист билгеләп үткәнчә, хокук саклау органнары мондый мәгълүматны тикшерү өчен беркайчан да гражданнарга шалтыратмый һәм аларга тикшерү гамәлләрендә катнашырга тәкъдим итми.
Кызыклы яңалыкларны күзәтеп бару өчен Телеграм-каналга язылыгыз