Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Яңа елга Казанда психик авырулары булган балалар өчен яшәү үзәге ачылачак
Декабрь аенда ТР башкаласында беренче Психик сәламәтлеге бозылган балалар өчен яшәү үзәге ачылачак, ул Әгерҗе урамы буенча 78 нче йортта 140 кв. метрлы муниципаль торак бинада урнашачак. Мондый инициатива белән «БлагоДарю» иҗтимагый оешмасы чыкты. Бу хакта бүген эшлекле дүшәмбедә Торак сәясәте идарәсе башлыгы Ренат Шәмсетдинов хәбәр итте.
«Адаптацияләнгән фатирлар – безнең тормышта тагын бер яңа күренеш, бу балалар йортында, интернатта үз балачагын үткәргән ятим балалар өчен бик мөһим. Өстәвенә, сүз менталь тайпылышлары булган балалар турында барса. Үз-үзеңне кайгырту күнекмәләре, гади көнкүрешне оештыра белү – алар өчен бу бик мөһим мәсьәләләр. Әлеге эшкә безнең белән бергә кушылырга әзер иҗтимагый оешмалар бар», – диде Казан Мэры Илсур Метшин.
Яңа үзәктә Дәрвишләр интернат-йортын тәмамлаучылар яшәячәк. Бу аларга көнкүрештә мөстәкыйль булырга, аралашырга һәм ял оештырырга ярдәм итәчәк. Хәзер бинада косметик ремонт төгәлләнеп килә, җиһазлар һәм техника кайтарыла. Учреждение яңа ел алдыннан беренче яшәүчеләрне кабул итәр дип көтелә.
Кызыклы яңалыкларны күзәтеп бару өчен Телеграм-каналга язылыгыз