Авыл 26 март 2023 16:09

Хөкүмәт төбәкләргә аграрийларны орлык, ашлама һәм ягулык белән тәэмин итәргә кушты

Скопировать ссылку

Россия Хөкүмәте илнең барлык төбәкләренә, язгы кыр эшләрен үз вакытында башкару өчен, авыл хуҗалыгы продукциясе җитештерүчеләрне орлык, техника, ашлама һәм ягулык белән тәэмин итәргә кушты. РФ Хөкүмәтенең рәсми порталында урнаштырылган 2023 елда язгы авыл хуҗалыгы эшләрен үткәрүгә багышланган хәбәрдә шулай диелә. Бу хакта ТАСС агентлыгы хәбәр итә.

«РФ субъектлары башкарма органнарына, авыл хуҗалыгы продукциясе җитештерүчеләрне финанс ресурслары, орлык, авыл хуҗалыгы техникасы, ягулык-майлау материаллары һәм минераль ашламалар белән тәэмин итүгә аерым игътибар юнәлтеп, сезонлы кыр эшләрен үз вакытында һәм сыйфатлы итеп башкаруны оештырырга тәкъдим итәргә», - диелә текстта.

Моннан тыш, РФ төбәкләре товар җитештерүчеләргә авыл хуҗалыгын үстерү буенча дәүләт программасын гамәлгә ашыру һәм авыл хуҗалыгы продукциясе, чимал, азык-төлек базарларын җайга салу өчен бюджет акчаларын үз вакытында бүлеп бирергә тиеш. Ил Хөкүмәте шулай ук субъектларга «авыл хуҗалыгы продукциясе җитештерүчеләр тарафыннан үзләренең милек мәнфәгатьләрен иминиятләштерүне тәэмин итүгә юнәлдерелгән чаралар кабул итәргә» киңәш итә.

Сәхифәләр

Хөкүмәт төбәкләргә аграрийларны орлык, ашлама һәм ягулык белән тәэмин итәргә кушты