news_header_top_970_100
news_header_bot_970_100

Хезмәт министрлыгы 2022 елда альтернатив хезмәт өчен һөнәрләр исемлеген раслады

Россия Хезмәт һәм социаль яклау министрлыгы 2022 елда альтернатив граждан хезмәтен узу өчен һөнәрләр исемлеген раслады. Хокукый мәгълүмат порталында чыккан исемлеккә 126 позиция кергән.

«Альтернатив граждан хезмәтен үтүчеләр эшли ала торган эш, һөнәр, вазифалар исемлеген расларга», диелә документта.

Элегрәк хәбәр ителгәнчә, 2022 елгы исемлек 30 вазифа, шул исәптән агрохимик, тынлы, халык уен кораллары һәм эстрада-симфоник оркестрлары артисты, тулай торак тәрбиячесе, табиб-кардиоревматолог, табиб-педиатр, тавыш режиссеры, теш табибы, концертмейстер, эпидемиолог һ.б. позицияләре белән тулыланды.

Моннан тыш, 11 эшче һөнәре өстәлә: курьер, юучы-хәрәкәт составын җыештыручы, аяк киеме ремонтлаучы, котельня операторы, янгын сүндерүче, тәрбияче ярдәмчесе, торак пунктларны төзекләндерү буенча эшче, төрле эш башкаручы, контроль-үлчәү приборлары һәм автоматика буенча слесарь, пыяла сөртүче, агач белән эшләү остасы.

news_right_column_1_240_400
news_right_column_2_240_400
news_bot_970_100