Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Вологда Җәмигъ мәчетендә тәһарәт алу комплексы ачылды
РФ мөселманнары Диния нәзарәте рәисенең эчке эшләр буенча урынбасары Равил Сәйфетдинов катнашында Вологда Җәмигъ мәчетендә тәһарәт алу комплексы ачылды. Бу хакта РФ мөселманнары Диния нәзарәтенең матбугат хезмәте хәбәр итә.
Комплекс төзелеше – Вологда Җәмигъ мәчете территориясен реконструкцияләү һәм тәртипкә китерүнең бер этабы. Иман йортын төзекләндерү эшләре РФ мөселманнары Диния нәзарәте һәм шәхсән Россия мөселманнарының рухи лидеры, мөфти шәех Равил Гайнетдин ярдәмендә башкарыла.
Хәзерге вакытта коммуникацияләр алыштырылган, намаз уку өчен яңа урыннар ясалган, Аллаһ йортына илтә торган юлга асфальт түшәлгән. Төзелеш һәм ремонт эшләре Идел Буе Болгар дәүләтендә рәсми рәвештә ислам дине кабул ителүнең 1100 еллыгын бәйрәм итү кысаларында алып барыла.
- Вологда Җәмигъ мәчетенең тарихы узган гасыр ахырында башлана. 1996 елда Вологда мөселманнары төзелеп бетмәгән бина сатып ала һәм аны мәчет итеп үзгәртергә керешә. 2001 елда бина төзелеп бетә. 2002 елда, мөфти Равил Гайнетдин Вологдага килгәч, Аллаһ йорты аның хәер-фатихасы белән тантаналы төстә ачыла.
Кызыклы яңалыкларны күзәтеп бару өчен Телеграм-каналга язылыгыз