Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Волгоград татарлары хакимият белән бергәләшеп эшли
Волгоград татарлары хакимият белән бергәләшеп эшли
(Казан, 16 ноябрь, “Татар-информ”, Ландыш Харрасова). Күптән түгел Волгоград шәһәренең Красноармейский районында “Җирле үзидарә органнарының иҗтимагый милли оешмалар белән бәйләнеше” дигән темага “түгәрәк өстәл” узган. Волгоград өлкәсе татар милли-мәдәни мохтәрияте әгъзасы Суфия Хәмитова “Татар-информ” агентлыгына белдерүенчә, яһүд, әрмән, казакъ, татар һәм башка милли оешмалар вәкилләре катнашкан әлеге “түгәрәк өстәл”не Волгоград шәһәре Красноармейский районы хакимияте уздырган. Анда әлеге районның хакимият башлыгы урынбасары Венера Шаповалова да катнашкан. Шунысы куанычлы, “түгәрәк өстәл” нәтиҗәсе буларак, анда милли оешмалар вәкилләреннән торган комитет төзелгән. Әлеге комитетка татар милли-мәдәни мохтәриятеннән дә ике кеше – Таисә Мостафина һәм Нәфисә Аблеева кергән. Гомумән, комитетка 17 кеше кертелгән. Суфия Хәмитова әйтүенчә, әлеге комитет алга зур планнар билгели һәм хакимияте каршында оешканлыктан, милли оешмалар эше алга китәр дип уйланыла.
Шулай ук әлеге “түгәрәк өстәл”дә Казанның 1000 еллыгында булган делегация әгъзалары да чыгыш ясаган. Моннан тыш Красноармейский районы татар үзәге җитәкчесе Таисә Мостафина татар милли ашларыннан чәй өстәле әзерләгән. Ә “Чишмә” ансамбле “түгәрәк өстәл” утырышында катнашучыларны үз җыр-биюләре белән сөендергән.
Кызыклы яңалыкларны күзәтеп бару өчен Телеграм-каналга язылыгыз