Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Васил Шәйхразыев Якутиядә Татарстан көннәре турында «Ил Тумэн» газетасына сөйләде
Татарстан Вице-премьеры Васил Шәйхразыев Якутия Дәүләт Җыены депутаты, «Ил Тумэн» парламент газетасы баш мөхәррире Мария Христофорова белән эшлекле очрашу үткәрде. Ул безнең республика һәм Якутиядә Татарстан көннәрен үткәрү турында сөйләде.
Әңгәмә барышында Шәйхразыев һәм Христофорова төбәкләрнең мәдәни үзенчәлекләре һәм элемтәләре, тормыш сыйфатын яхшырту буенча дәүләт программалары турында фикер алышты. Шулай ук Васил Шәйхразыев төбәктә Татарстан Республикасы көннәрен үткәрүгә әзерлек өчен якын арада Якутиягә сәфәре турында хәбәр итте.
«23-25 июнь көннәрендә республикабызның 100 еллыгы уңаеннан Якутиядә Татарстан көннәре узачак. Узган ел Татарстанның 100 еллык юбилеен бәйрәм иттеләр һәм Якутия Республикасыннан бик зур делегация булды. Без сәфәр өчен бик рәхмәтле, бу ике республика арасында элемтәләрне ныгыту мөмкинлеге бирде», - диде Шәйхразыев.
Шайхразыев сүзләренчә, Якутскида да татарлар күп, шуңа күрә Якутиядә Татарстан көннәрен үткәрү вакытында төбәк башкаласында Сабантуй үткәрү планлаштырыла.
«Ил Тумэн» парламент газетасы – Саха (Якутия) Республикасы Дәүләт Җыелышының рәсми басмасы. Ул Якутия Дәүләт җыены карары белән 1999 елның 5 мартында оештырылган.
Кызыклы яңалыкларны күзәтеп бару өчен Телеграм-каналга язылыгыз