Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Узган атнада сәүдә нокталарында карабодай бәясе азрак төшүгә карамастан, ул иң кыйммәтле продуктларның берсе булып кала
Аның килосы өчен сатып алучыга уртача 89 сум 60 тиен түләргә туры килә
(Казан, 17 февраль, “Татар-информ”).Казанның сәүдә нокталарында яшелчә һәм җиләк-җимешнең сезонлы үсеше дәвам итә. Узган атнада кәбестә, кишер, башлы суган хакы тагын 0,5 проценттан алып 1,6 процентка кадәр күтәрелә төште. Кәбестәнең килосы хәзер уртача 32 сум 58 тиен, кишер - 32 сум 52 тиен, башлы суган – 33 сум 4 тиен тора.
Дәүләт статистикасы федераль хезмәтенең ТР идарәсе шулай ук соңгы бер атнада көнбагыш мае белән тары ярмасының сизелерлек кыйммәтләнүе хакында хәбәр итә. Бу төр продуктларда бәяләр үзгәреше 1,9-2,5 процент арасында тирбәлә. Көнбагыш маеның литры кулланучыга уртача 70 сум 93 тиеннән тәкъдим ителсә, тары ярмасының килосы 41 сум 10 тиенгә җитә.
Ә менә карабодай ярмасы, йомырка һәм он бәясе 0,4-1,2 процентка төшкән. Шуңа карамастан, кибетләрдә карабодай бәясе бик югары кала – аның килосы өчен сатып алучыга уртача 89 сум 60 тиен түләргә туры килә.
Идел буе федераль округына кергән төбәк башкалалары белән чагыштырганда, Казанда сыер ите, каймак, сырлар, атланмай һәм көнбагыш маена түбән бәяләр саклана.
Кызыклы яңалыкларны күзәтеп бару өчен Телеграм-каналга язылыгыз