Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Узган атнада мотор ягулыгы бәяләре зур сикереш ясады
Казанда соңгы бер атна эчендә А-76 лы бензин 80 тиенгә, АИ-93,92 ле ягулык – 53 тиенгә, АИ-95 маркалы бензин – 63, дизель ягулыгы 20 тиенгә кыйммәтләнде
(Казан, 17 февраль, “Татар-информ”). Узган атнада мотор ягулыгы бәяләре зур сикереш ясады. Татарстанстаттан алынган мәгълүматларга караганда, Казанда соңгы бер атна эчендә А-76 лы бензин 80 тиенгә, АИ-93,92 ле ягулык – 53 тиенгә, АИ-95 маркалы бензин – 63 тиенгә, дизель ягулыгы 20 тиенгә кыйммәтләнгән.
14 февральгә булган мәгълүматлардан күренгәнчә, А-76 лы бензинның литры автомобиль йөртүчеләргә 22 сум 65 тиенгә, АИ-93,92 ле бензинның литры – 23 сум 62 тиенгә төшә. АИ-95 маркалысының литры- 25 сум 68 тиенгә җиткән. Дизель ягулыгының литры өчен хәтта 25 сум 91 тиен түләргә туры килә.
Шулай да узган атна йомгаклары буенча, Идел буе федераль округында иң кыйммәтле бензин Түбән Новгородта теркәлгән. Биредә А-76 лының литры уртача 24 сум 37 тиен, АИ-93,92 лесе – 24 сум 54 тиен, АИ-95 лесе – 26 сум 35 тиен тора. Литры уртача 26 сум 62 тиен булган иң кыйммәтле дизель ягулыгы – Саранскида.
Ә иң арзанлы бензин Ульяновскида сатыла. Күршеләрдә А-76 лы бензинның литры безгә караганда 2 сум 57 тиенгә очсызрак. АИ-93,92 ле бензинның литры 23 сум 9 тиен, АИ-95 – 25 сум 18 тиен тора. Литры 24 сум 29 тиенлек арзанлы дизель ягулыгы – Саратовта.
Кызыклы яңалыкларны күзәтеп бару өчен Телеграм-каналга язылыгыз