Җәмгыять 6 декабрь 2010 15:11

Узган атнада Казанда 7 меңнән артык кешедә ОРВИ күзәтелгән

26 ноябрь-2 декабрьдә Татарстанда кискен тын юллары инфекцияләре 11 мең 838 кешедә теркәлгән

Скопировать ссылку

(Казан, 6 декабрь, “Татар-информ”). 26 ноябрь-2 декабрьдә Татарстанда кискен тын юллары инфекцияләре 11 мең 838 кешедә теркәлгән. Авыру күрсәткече 10 меңгә 45,9ны тәшкил иткән. Аннан алда килгән атна белән чагыштырганда, йогышланган кешеләр саны 24,9 процентка арткан һәм эпидемия бусагасыннан 21,1 процентка кимрәк булган.
Казанда исә бу көннәрдә инфекцияләр белән йогышлануның 8196 очрагы теркәлгән. Бу, аннан алда килгән атна белән чагыштырганда, 16,1 процентка күбрәк. 7465 кешенең ОРВИ белән йогышлануы күзәтелгән. Бу, аннан алда килгән атна белән чагыштырганда, 15,9 процентка күбрәк һәм эпидемия бусагасыннан 5,4 процентка түбәнрәк. Әлеге мәгълүматны кулланучылар хокукларын яклау һәм кеше иминлеге өлкәсендә күзәтчелек итү буенча Федераль хезмәтнең Татарстандагы идарәсенең матбугат хезмәте җиткерә.

Сәхифәләр

Узган атнада Казанда 7 меңнән артык кешедә ОРВИ күзәтелгән