Ульяновскиның Чардаклы бистәсендә быел узачак милли, дини чаралар турында сөйләшкәннәр
Скопировать ссылку
Ульяновскиның Чардаклы бистәсендә район администрация башлыгының беренче урынбасары Родионова татар-мөселман эшмәкәрләре белән очрашкан. Бу хакта «Өмет» газетасы телеграм-каналы хәбәр итә.
Очрашуга районның мәдәният, спорт вәкилләре дә катнаша. Очрашу барышында агымдагы ел барышында район күләмендә узачак милли һәм дини чаралар - район ифтары, Карипов истәлегенә турнир, «Күлләр төбәге - татар халык риваятьләрендә» фестивале һ.б. турында фикер алышалар.
Әлеге чаралар халкыбызның гореф гадәтләрен, йолаларын, милли спортны, динебезне саклап калу һәм үстерүгә юнәлтелгән, диелә хәбәрдә.