Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Украинадагы махсус операциядә һәлак булган егет истәлегенә Әлмәттә мемориаль такта ачылды
Украинадагы махсус операция вакытында хәрби бурычын үтәгәндә һәлак булган кече сержант Руслан Язданов хөрмәтенә Әлмәттә мемориаль такта ачылды. Шундый мөһим вакыйга һава-десант гаскәрләре көнендә узды. Бу турыда «Әлмәт таңнары» сайтында хәбәр ителә.
Кече сержант Руслан Язданов 1995 елның 28 февралендә туган. Әлмәт шәһәренең 11 нче урта мәктәбен тәмамлый. 2013 елның 12 декабрендә Әлмәт хәрби комиссариаты тарафыннан армиягә алына. Ватан алдындагы бурычларны лаеклы үтәде. Әмма үз тормышын хәрби хезмәт белән бәйләргә булган. Контракт буенча хәрби хезмәткә 2016 елның 4 апрелендә керешә. Янә контрактны 2019 елның 26 июнендә төзи. Ул 31 аерым гвардия десант-штурм бригадасы укчылар ротасының снайперы була.
Россия Федерациясе Президентының 2015 елның 22 гыйнварындагы «хәрби бурычны үтәгәндә күрсәткән батырлыгы өчен» медале белән бүләкләнгән.
Кызганычка, Руслан Яздановның тормышы бик иртә өзелә. Ул РФ Президенты Владимир Владимирович Путин Указы белән Украина территориясендә махсус хәрби операция барышында күрсәткән батырлыгы өчен Дәүләт бүләге - «Батырлык ордены» белән үлгәннән соң бүләкләнде.
Мемориаль тактаны тантаналы ачу өчен Руслан Яздановның әти-әниләре, аның туганнары һәм якыннары чакырылган иде. Алар адресына тантана дәвамында бары тик иң изге һәм ихлас сүзләр генә яңгырады.
Чыгышлардан соң катнашучылар геройны бер минут тынлык белән искә алдылар. Мемориаль такта ачылганнан соң, кунаклар мемориаль комплекска чәчәкләр салды.
Кызыклы яңалыкларны күзәтеп бару өчен Телеграм-каналга язылыгыз