Мәдәният 15 гыйнвар 2022 17:38

Уфада «Ышан» мистик сериалын тәкъдим иттеләр

Җиде сериядә башкорт риваятеннән җиде кызның бәлагә тарыган яшүсмерләргә ярдәм итүе турында җиде тарих күрсәтелә.

Скопировать ссылку

(Казан, 15 гыйнвар, «Татар-информ»). Уфада «Арт-Квадрат» шәһәр киңлегендә яшүсмерләр өчен «Ышан» яңа мистик сериалы презентациясе узды. Кышкы каникулда фильмның җиде сериясе БСТ каналында күрсәтелде.

«Башинформ» хәбәр иткәнчә, сериалда бүгенге яшүсмерләр арасындагы актуаль проблемалар күтәрелә. Җиде сериядә башкорт риваятеннән җиде кызның бәлагә тарыган яшүсмерләргә ничек ярдәм итүе турында җиде тарих күрсәтелә.

«Ышан» сериалы балаларны һәм яшүсмерләрне үз көчләренә һәм якыннарына ышанырга чакыра. Бу «Тамыр» телеканалында мондый форматтагы икенче әһәмиятле проект булды. Беренче «Бирешмә!» сериалында канал командасы яшь тамашачыларны бирешмәскә өндәде. Бу идея яңа фильмда да дәвам итте», — диде мәдәният министры Әминә Шәфыйкова.

Ул сериалны төшерүдә катнашкан командага, актерларга, балаларга рәхмәт сүзләрен җиткерде һәм «Тамыр» телеканалының шундый кирәкле сериаллар төшерүне дәвам итүен теләде.

#Башкортстан

Сәхифәләр

Уфада «Ышан» мистик сериалын тәкъдим иттеләр