Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Уфада Халыкара туган телләр көнен билгеләп үтәчәкләр
21 февральдә, Халыкара туган телләр көнендә, Уфадагы Милли әдәбият музее Башкортстан Республикасы Халыклар дуслыгы йорты белән берлектә Мостай Кәрим, Габдулла Тукай, Рәсүл Гамзатов, Кайсын Кулиев һәм Чыңгыз Айтматов кебек күренекле шагыйрь һәм язучыларның иҗат эшчәнлегенә багышланган әдәби кичә үткәрә. Очрашу Уфаның «Торатау» конгресс-холлында 15.00 сәгатьтә башлана. Бу хакта «Башинформ» агентлыгы хәбәр итә.
Очрашу программасында Башкортстанның халык шагыйрьләре Рәшит Шәкүр, Кадим Аралбай, тел белгече Фирдәвес Хисаметдинова, милли-мәдәни үзәк җитәкчеләре, җәмәгать эшлеклеләренең әлеге шагыйрь һәм язучыларның үзара дуслыгы, уртак иҗади эшчәнлеге, әсәрләрен Россия Федерациясенең дәүләт телләренә тәрҗемә итү турында чыгышлары каралган. Моннан тыш, якшәмбе мәктәпләрендә укучылар үз туган телләрендә чыгыш ясаячак.
Милли әдәбият музее матбугат хезмәте мәгълүматлары буенча, «Әдәбиятта туган телнең бөеклеге» дигән әдәби кичәне «Әдәби гөлләмә» дигән фестиваль ачып җибәрәчәк. Ул Башкортстанда яшәүче халыкларның дәүләт һәм туган телләрен саклау, өйрәнү һәм популярлаштыру өчен тиешле шартлар тудыру буенча дәүләт сәясәте кысаларында ел дәвамында үткәрелә.
Кызыклы яңалыкларны күзәтеп бару өчен Телеграм-каналга язылыгыз