Мәдәният 5 октябрь 2022 15:30

Уфада Рәми Гариповның тууына 90 ел тулуга багышланган фильмның премьерасы була

Скопировать ссылку

9 октябрьдә Уфаның «Родина» кинотеатрында Булат Йосыповның «Шагыйрь көндәлеге» фильмын ябык күрсәтү була. «Беренче Республика» милли трилогиясенең соңгы картинасы (анда шулай ук «Бабич» һәм «Беренче Республика» фильмнары да керә) Башкортстанның халык шагыйре Рәми Гариповның тормышы һәм иҗатына багышланган. Бу хакта «Башинформ» агентлыгы хәбәр итә.

Картинаның режиссеры – Башкортстан Республикасының атказанган сәнгать эшлеклесе Булат Йосыпов.

Бу – тамашачылар, меценатлар, Башкортстан предприятиеләре һәм дәүләт бергәләп төшергән башкорт кинематографиясе тарихындагы беренче халык фильмы. Аны төшерү өчен 2019 елда халыктан 1,5 миллион сум акча җыелган. Фильмны Уфада һәм Чишмә районында, шулай ук Самарада төшергәннәр.

Тамашачылар «Шагыйрь көндәлеге» фильмын 2022 елның 20 октябрендә зур экраннарда күрә алачак.

Сәхифәләр

Уфада Рәми Гариповның тууына 90 ел тулуга багышланган фильмның премьерасы була