news_header_top_970_100
news_header_bot_970_100

Уфада нәшер ителә торган «Ватандаш» журналы 25 еллыгын билгеләп үтә

«Ватандаш» – милли мәдәни, фәнни һәм тарихи темаларны яктырта торган энциклопедия рәвешендәге иҗтимагый-сәяси һәм фәнни-популяр журнал.

(Казан, 20 гыйнвар, «Татар-информ»). Уфаның «Торатау» Конгресс-холлында әлеге датага багышланган тантаналы чара узды. Журнал коллективын Башкортстан Хөкүмәте Премьер-министры урынбасары Азат Бәдрәнов котлады. Бу хакта «Башинформ» агентлыгы хәбәр итә.

«Ватандаш» – милли мәдәни, фәнни һәм тарихи темаларны яктырта торган энциклопедия рәвешендәге иҗтимагый-сәяси һәм фәнни-популяр журнал. 25 ел эчендә ул республикадагы мәгълүмат киңлегенең аерылгысыз өлешенә әверелде һәм төбәкнең имиджын күтәрүгә хезмәт итә, диде Азат Бәдрәнов. Ул Башкортстан Башлыгы исеменнән «Ватандаш» журналының баш мөхәррире Рәшит Мәһәдиев һәм сәнгать мөхәррире Фәкил Мостафинга Рәхмәт хатлары тапшырды.

Журналны нәшер итү турындагы карар Башкортстан Республикасы Министрлар Кабинеты тарафыннан 1996 елның 26 гыйнварында кабул ителә. Аңа I Бөтендөнья Башкорт корылтае карары нигез итеп алына. Нәкъ менә шунда барлык башкортларны берләштерә торган мәйданчыкка әверелергә тиешле басма нәшер итү турындагы мәсьәлә күтәрелә. Республика Министрлар Кабинеты белән беррәттән, Корылтай Башкарма комитеты да 2012 елга кадәр басманы гамәлгә куючыларның берсе була, «Ватандаш» журналын пропагандалау һәм таратуда актив катнаша.

news_right_column_1_240_400
news_right_column_2_240_400
news_bot_970_100