Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Уфада мөселман хатын-кызлары җыены үтте
“Хәзерге җәмгыятьтә мөселман хатын-кызларының рухи тормышы һәм тоткан урыны” дигән тема бу гыйльми җыенның үзәгендә торды
(Уфа, 13 июль, “Татар-информ”, Фәнис Фәтхуллин). Уфада, Россия Ислам университетында, мөслимәләрнең беренче фәнни-гамәли конференциясе булып үтте. “Хәзерге җәмгыятьтә мөселман хатын-кызларының рухи тормышы һәм тоткан урыны” дигән тема бу гыйльми җыенның үзәгендә торды.
Уфаның мәһабәт “Лалә-Тюльпан” мәчет комплексында оештырылган шушы зур чарада төрле өлкәләрдә хезмәт салучы, төрле яшьтәге һәм төрле милләт хатын-кызлары катнашты. Конференцияне оештыручы Россия Ислам университетының илаһият-педагогика факультеты өлкән мөгаллимәсе Вәсилә Нигъмәтуллина бу җыенны ачты һәм аның әһәмиятен билгеләп чыгыш ясады. Аның сүзләренчә, ислам динендә хатын-кызның роле аеруча зур. “Иң беренчедән ул – ана. Хатын – иренең тереклек иптәше. Хатын иренең йортына хуҗа булучы, аның малларын саклаучы, балаларга тәрбия бирүче. Гомумән, хатын-кыз дөньяның терәге”, - диде В. Нигъмәтуллина, Коръән хәдисләренә таянып.
Конференциядә Башкортстан татар хатын-кызларының “Сәхипҗамал” оешмасы рәисе Гөлҗиһан Яһүдина, “Мәрхәмәт” хәйрия җәмгыяте идарәсе рәисе, Бөтендөнья башкортлары корылтае Башкарма комитеты һәм башкорт хатын-кызлары җәмгыяте әгъзасы Гөлшат Нуриәхмәтова, Россиянең Башкортстандагы Исәп палатасы фәнни-тикшеренү институты филиалы директоры урынбасары Бибикән Кушубаева, Уфа шәһәре хатын-кызлары берлеге рәисе Рима Миһранова, филология фәннәре докторы, профессор Зөһрә Рәхмәтуллина һәм башкалар чыгыш ясады.
Җыен барышында Уфада хатын-кызлар өчен тәгаенләнгән беренче такси ширкәте, китаплар һәм мөселман кирәк-яраклары белән сәүдә итүче “Сәлам” кибете эшчәнлеге белән таныштыру да үтте. Шулай ук “Җади”, “Иман” тегү ательелары һәм “Мәдинә” студиясе мөселман хатын-кызлары өчен яңа кием үрнәкләрен күрсәтте.
Көн озыны дәвам иткән җыен барышында мөслимәләр бергәләп намаз укыды. Шулай ук Россия Ислам университеты шәкертләре мөнәҗәтләр дә башкарды.
Кызыклы яңалыкларны күзәтеп бару өчен Телеграм-каналга язылыгыз