news_header_top_970_100
news_header_bot_970_100

Уфада илнең федераль корылышын яклап урам җыены үтте

Бу юлы аны Россиянең федератив дәүләт булуын таләп иткән төркемнәр оештырды

(Уфа, 1 март, “Татар-информ”, Фәнис Фәтхуллин). Кичә Уфада чираттагы пикет булып үтте. Бу юлы аны Россиянең федератив дәүләт булуын таләп иткән төркемнәр оештырды.
Урам җыенында йөзгә якын кеше катнашты. Аларның күпчелеге республикадагы башкорт милли оешмалары вәкилләре иде. 
Шигарьләрнең күпчелеген яшьләр тотып торды. Аларда “Федераль корылышка йөз тотыйк”, “Унитаризмга ризалык юк”, “Башкортстан җәмәгатьчелеге Россия белән килешүле мөнәсәбәтләр яклы”, “Милли республикаларны бетерү – Конституцияне бозу” кебек белдерүләр язылган иде.
Пикет тыныч шартларда үтте. Анда катнашучылар шушындый урам җыеннарын тагын да оештырачакларын әйтеп таралышты.

news_right_column_1_240_400
news_right_column_2_240_400
Медиаметрикс
news_bot_970_100