Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Уфада Газиз Әлмөхәмәтовны искә алалар
Олуг талант иясенең тууына 115 ел тулуга багышлана ул чаралар
(Уфа, 29 октябрь, “Татар-информ”, Фәнис Фәтхуллин). Башкортстанда татар һәм башкорт халыкларының күренекле композиторы һәм җырчысы Газиз Әлмөхәмәтовны искә алу чаралары башланды. Олуг талант иясенең тууына 115 ел тулуга багышлана ул чаралар.
Атаклы композитор һәм җырчы Газиз Әлмөхәмәтовның истәлеген Башкортстанда кадерләп саклыйлар. Аның иҗатына багышланган төрле мәдәни чаралар, сәнгать бәйгеләре оештыру да шуның бер чагылышы. 1968 елдан бирле Уфада һәвәскәр җырчылар һәм махсус музыка уку йортларының тәүге курсларында белем алучы талиплар арасында Газиз Әлмөхәмәтов исемендәге сәнгать бәйгесе үткәрелеп килә. Матур традициягә әйләнгән бу ярышма сәнгать юлына, зур сәхнәгә күп кенә яшь талантларны чыгара.
Уфада Газиз Әлмөхәмәтовның туксан яшенә якынлашып килүче кызы Роза ханым Латыйпова-Әлмөхәмәтова әле дә исән-сау яши. Әтисе хөрмәтенә татар һәм башкорт җырчылары арасында бәйгенең даими оештырылуын ул аның якты истәлеген кадерләп саклау дип бәяли. “Әле әтинең 115 еллыгы уңаеннан телевидениедә, радиода яңа тапшырулар әзерләнә, аның исемендәге гимназиядә, мәктәпләрдә хәтер кичәләре дә үтә”, - ди Роза апа.
Күренекле композитор һәм җырчы, Башкортстанның халык артисты Газиз Әлмөхәмәтов, “халык дошманы” мөһере сугылып, 1938 елда атып үтерелә.
Кызыклы яңалыкларны күзәтеп бару өчен Телеграм-каналга язылыгыз